Ünsiyyət, alkoqoldan imtina və siqaret demensiyanın inkişaf riskini azaldır

Pekindəki Çin PLA Ümumi Xəstəxanasının mütəxəssisləri müəyyən ediblər ki, fiziki məşq, alkoqol və siqaretdən imtina, həmçinin dostlar və qohumlarla müntəzəm ünsiyyət və hobbilər demensiyanın inkişaf riskini azaldır.

Aztibb.az xəbər verir ki, “Journal of Affective Disorders” nəşrində bununla bağlı tədqiqatın nəticələri dərc olunub.

Tədqiqatda demensiyası olmayan 2537 könüllü iştirak edib. Alimlər iştirakçıların həyat tərzi, çəki vərdişləri və boyu haqqında ətraflı məlumat toplayıblar. Mütəxəssislər şəkər və xolesterinin səviyyəsini qiymətləndirmək üçün xəstələrdən qan nümunələri də götürüblər. Alimlər iştirakçıları iki il ərzində müşahidə ediblər.

Məlum olub ki, sağlam qidalanan, idman edən və yuxu problemi olmayan iştirakçılarda demans daha az inkişaf edir.

Məqalədə bildirilir ki, alimlər riskləri qiymətləndirərkən bal-reytinq sistemindən istifadə ediblər. Beləliklə, əgər iştirakçılar gündə 10 dəqiqə və ya daha çox məşq edirsə, onlara bir xal verilirdi. Həmçinin hobbi ilə məşğul olan, həftədə ən azı üç dəfə dostları və ailəsi ilə ünsiyyət quran, alkoqol və siqaretdən imtina edən bir xal aləb. Alimlərin bütün tövsiyələrinə əməl olunması iştirakçının altı bal alması demək idi.

Tədqiqatçılar belə nəticəyə gəliblər ki, ən azı dörd bal toplayan iştirakçılar, üç və ya daha az bal toplayanlarla müqayisədə tədqiqatın sonunda koqnitiv geriləmə əlamətlərini 29 faiz daha az göstəriblər.