Böyük Britaniyanın "The Guardian" nəşri yazır ki, Sibirin əbədi buzlaqlarında virusların aşkarlanması bəşəriyyət üçün yeni pandemiya şəklində özünü göstərə bilər. Rusiyalı virusoloq Aleksey Aqranovski Qərbi Sibirin təkhüceyrəli orqanizmləri yoluxdura bilən ərimiş qədim viruslarının təhlükəsini şərh edib.

Aztibb.az “Medzdrav İnfo”ya istinadən xəbər verir ki, mütəxəssisin sözlərinə görə, hələ də əbədi dondan nümunələrdə bəşəriyyət üçün təhlükə yarada biləcək yoluxucu viruslara rast gəlinməyib.

“Heç bir insan və ya heyvanda yoluxma halı qeydə alınmayıb. Nümunələrdən amöblərdə çoxalma qabiliyyətinə malik viruslar təcrid edilib, həmçinin herpesvirus və poxvirusların DNT fraqmentləri də aşkar edilib, lakin bu, nə pandemiyanın nə də ki, birbaşa təhlükənin mövcudluğu demək deyil”, - ekspert izah edib.

Aydındır ki, elmi nöqteyi-nəzərdən formal məntiq prinsipləri, hələlik heç bir şey məlum olmayan, daimi donmuş torpaqda potensial yoluxucu agentlərin ola biləcəyi ehtimalını istisna etmir.

"Bu məsələ dar ixtisas mütəxəssislərin diqqətində olmalı və mümkün qədər geniş ictimaiyyətin maraq və qayğılarından uzaq tutulmalıdır" deyə virusoloq yekunlaşdırıb.