Son zamanlar koronavirusdan ölüm hadisələri arasında qripin ağırlaşdırdığı hallara daha çox rast gəlinir.

Aztibb.az xəbər verir ki, bu barədə Rusiya Elmlər Akademiyasının akademiki, Meçnikov adına Vaksin və Zərdablar Elmi Tədqiqat İnstitutunun direktoru, virusoloq Vitali Zverev məlumat verib.

Mütəxəssisin sözlərinə görə, COVID-19 pandemiyası fonunda bir çoxları qripdən çəkinməyi dayandırıb, halbuki bu xəstəlik heç də koronavirusdan az təhlükəli deyil. Belə ki, sözügedən respirator xəstəlikdən ölüm halları dünyada ən yüksək göstəricilərə malikdir.

O, qeyd edib ki, eyni vaxtda koronavirus və qripə yoluxma ölüm hallarının artmasına gətirib çıxarır.