Stokholm Universitetinin professoru Deborah Teurelska bildirib ki, xorda oxumaq stresslə mübarizə aparmaq üçün əla vasitə ola bilər. Mütəxəssis izah edib ki, bu əlaqənin fizioloji mahiyyəti tənəffüsdə iştirak edən əzələlərin xüsusi işində və onların vagus sinirinə təsirində, bunun da öz növbəsində beynin limbik sisteminə təsir göstərməsindədir.

Aztibb.az “The Lancet”ə istinadən xəbər verir ki, xor oxumaq xoşbəxtlik hormonlarının istehsalına və stress səviyyəsini azaltmağa kömək edən bu prosesləri aktivləşdirir.

Professor Teurelska onu da qeyd edib ki, xor ifaçılığı ümumi sağlamlığa müsbət təsir göstərir. Tədqiqatlar göstərir ki, xor oxuyan yaşlı insanlar hobbi ilə məşğul olmayanlardan daha yaxşı sağlamlıq vəziyyətinə malikdirlər. Bununla belə, o etiraf edir ki, xorda olmaq müəyyən vəziyyətlərdə mənfi emosiyalar doğura bilər, məsələn, pis ifa və ya müğənninin soyuqlaması.

Bu yaxınlarda İspaniyadan və digər ölkələrdən bir qrup alim dopaminin insan orqanizminə təsirini öyrənməklə musiqinin insanlara nə üçün həzz verdiyini öyrənib. Onlar belə nəticəyə gəliblər ki, insan orqanizmində musiqidən həzz almaq üçün “məsuliyyət daşıyan” məhz bu hormondur ki, bu da onun sənətin bu formasına xüsusi bağlılığını izah edə bilər.