Əksər ölkələrdə yuxarı tənəffüs yolları xəstəlikləri səbəbindən xəstəxanalar sıx olduğu bir vaxtda ölüm halları artıb. Mütəxəssislər yaşlı və riskli xəstələrə qrip və pnevmoniya peyvəndi tövsiyə edirlər.
Aztibb.az "Cümhiriyyet" qəzetinə istinadən xəbər verir ki, qrip, COVID-19 və RVS kimi yuxarı tənəffüs yolu xəstəliklərinin sayı çoxalmaqdadır. Həkimlər qrip xəstəliyində peyvəndin vacibliyini vurğulayırlar.
İddialar elmi deyil!?
Türk Təbibləri Birliyi Ailə Təbabəti Şöbəsinin (TTB-AHEK) sədri Emrah Kırımlı qrip peyvəndinə tələbatın azaldığını bildirib: “Peyvəndin 20 il əvvəl yan təsirlərə səbəb olmasa da, indi olduğunu iddia etmək elmi deyil. Bu elm məsələsi deyil, qavrayış məsələsidir. İnsanlar arasında peyvəndlə bağlı tərəddüd yaranıb. Ən savadlıdan tutmuş, ən az savadsıza qədər insanlar deyir ki, peyvənd laxtalanma yaradır və öldürür. Hətta hər il qripə qarşı peyvənd alanlar belə tərəddüd edirdilər. Peyvənd tövsiyə etmək çətinləşib. İnsanları inandıra bilmirik. Amma çox təəssüf ki, qripdən çox adam ölür. Bu, həssas qrupların ölümünə səbəb olur. Bunlar ürək və ağciyər xəstəlikləri, xroniki astma və diabet xəstələridir. Qrip artıq infarkt riski olanlara əlavə olunduqda ölümlə nəticələnir”.