Arterial hipertoniya gənclər arasında daha çox yayılır.

Aztibb.az “Gazeta” nəşrinə istinadən xəbər verir ki, bu barədə Rusiyanın Əməkdar həkimi, epidemioloq, Rusiya Elmlər Akademiyasının akademiki Gennadi Onişenko məlumat verib.

Ümumilikdə böyüklərin 30-45%-i xroniki yüksək qan təzyiqindən əziyyət çəkir. Alim pandemiyanın səbəblərindən biri kimi əhalinin fiziki fəaliyyətlə məşğul olma imkanının olmadığını qeyd edib. Həm də bu dövrdə insanlar daimi stress vəziyyətində idilər.

“Mən istərdim ki, gənclərin həyat tərzi dəyişsin. Bunun üçün biz gənc nəsli bədən tərbiyəsi məsələlərində maarifləndirməliyik”, - ekspert qeyd edib.

Bir insan üçün bədənin həm fiziki, həm əqli, həm də psixoloji inkişafı eyni dərəcədə vacibdir. Bütün bu göstəricilərin uyğun olduğundan əmin olsanız, sağlamlığınızla hər şey yaxşı olacaq.

Alim onu da xatırladıb ki, normativ sənədə əsasən, 2030-cu ilə qədər əhalinin 70%-i müntəzəm olaraq idmanla məşğul olmalıdır.