ABŞ-ın Kolumbiya Universitetinin mühəndisləri süni intellektdən (AI) istifadə edərək, kriminologiyanın eyni insanın fərqli barmaq izlərinin unikal olması və buna görə də müqayisə edilə bilməyəcəyi ilə bağlı prinsipinə etiraz ediblər.

Aztibb.az “EcoPravda” portalına istinadən xəbər veri ki, bir qrup tədqiqatçı süni intellektə əsaslanan yeni alqoritmlə bağlı elmi işin məlumatlarını təqdim edib.

ABŞ hökumətinin 60 min barmaq izindən ibarət ictimai məlumat bazası təhlil olunub. Nümunələr cüt-cüt proqrama yüklənib. Bəzən cütlük eyni şəxsə (amma fərqli barmaqlara), bəzən də müxtəlif insanlara aid olurdu.

Süni intellekt sistemi hansı hallarda “unikal” barmaq izlərinin bir şəxsə aid olduğunu müəyyən edə bilib. Bir cütün dəqiqliyi 77%-ə çatıb. Tədqiqat müəllifləri hesab ediblər ki, bu kəşf məhkəmə ekspertizalarının effektivliyini 10 dəfədən çox artıra bilər. Axı cinayətkar iki müxtəlif cinayət yerində müxtəlif barmaq izlərini qoyursa, barmaq izinin unikallığına görə bu yerləri əlaqələndirmək çox çətindir. Süni intellekt isə bu problemi həll edə bilər.