Beynəlxalq araşdırma, uzun müddət video oyunları oynayan insanların eşitmə itkisi və tinnitus riskinin daha yüksək olduğunu ortaya qoyub.
Aztibb.az xəbər verir ki, "BMJ Public Health" jurnalında araşdırmanın təfərrüatları dərc olunub.
ABŞ, İsveçrə, Çin və Avstraliyadan olan tədqiqatçılar dünya üzrə təxminən 54 min yetkin və uşağı əhatə edən 14 tədqiqatı təhlil edib və tapdıqları nəticələr əsasında video oyunları ilə eşitmə itkisi arasındakı əlaqəni ortaya qoyan bir araşdırma aparıblar.
Tədqiqatçılardan biri, audioloq və epidemioloq Dr. Loren Dillard sözlərinə görə, tədqiqatlar göstərib ki, uzun müddət video oyunları oynayan insanlarda eşitmə itkisi və tinnitus (oynamayanlarla müqayisədə) riski daha yüksəkdir.
Güclü səsə məruz qalmanın qulaqdakı duyğu hüceyrələrini yorduğunu və bunun eşitməyə mənfi təsir etdiyini ifadə edən mütəxəssis vurğulayıb ki, bu, müvəqqəti eşitmə itkisinə və ya qulaqlarda cingiltiyə səbəb ola bilər. Qeyd edib ki, daimi və ya uzun müddətli səs-küyə məruz qalma da daimi eşitmə itkisinə səbəb olur.
"Eşitmə qabiliyyətinizdəki dəyişikliklərə mütləq diqqət yetirin. Eşitmə itkisinin əsas simptomları tinnitus, yüksək səsləri eşitməkdə çətinlik və söhbətləri izləməkdə çətinlikdir”, - seyə mütəxəssis vurğulayıb.