Qəzza zolağının Səhiyyə Nazirliyi, Hepatit A virusunun İsrailin hücumları nəticəsində didərgin düşmüş fələstinlilərin yaşadığı bölgələrdə sıxlıq olması səbəbindən yayıldığını açıqlayıb.
Aztibb.az “TRT Haber”ə istinadən xəbər verir ki, Səhiyyə Nazirliyi məsələ ilə bağlı Facebook hesabında açıqlama verib.
Bildirilib ki, Qəzza zolağında köçkünlərin məskunlaşdığı yerlərdə sıxlıq və gigiyena şəraitinin pis olması səbəbindən bu ərazilərdə Hepatit A virusu yayılıb.
Nazirlikdən verilən ikinci açıqlamada lazımi materialların əldə oluna bilməməsi səbəbindən tam qan analizlərinin istənilən vaxt dayandırıla biləcəyi ilə bağlı xəbərdarlıq edilib.
Qəzza zolağında didərgin düşmüş fələstinlilər İsrailin davam edən hücumları səbəbindən çətin şərtlər altında sağ qalmağa çalışırlar.
Köçkünlərin məskunlaşdıqları yerlərin sıx olması, oradakı tualet və hamamların onların ehtiyaclarını ödəyə bilməməsi bir çox köçkünləri açıq yerlərdə tualet ehtiyaclarını ödəməyə məcbur edir. Səlahiyyətlilər epidemiyaların yayılma təhlükəsi barədə xəbərdarlıq edir.