Elektrik cərəyanı vurması mənfi və müsbət elektrik axınının eyni zamanda orqanizmdə birləşməsidir. Cərəyanvurma adətən 15 voltdan artıq olduqda zəif hiss edilir, 30 voltdan artıq isə orqanizmdə narahatçılıq hissi yarada bilir.
Aztibb.az xəbər verir ki, cərəyanvurmasının orqanizmə vurduğu zərər cərəyanın şiddətindən asılı olaraq dəyişir. Əgər cərəyanın şiddəti çox olarsa ölümə səbəb ola bilər.
Cərəyanvurması adətən iş qəzaları zamanı baş verir. Bəzi hallarda yaş əllə eletrik vasitələrinə toxunan zaman da baş verə bilir.
Cərəyanvurması zamanı orqanizmdə aşağıdakı patologiyalar meydana çıxır:
- Baş-boyun hissə cərəyanvurması zamanı ilk təmas yeri olarsa əgər, sinir sistemində patologiyalar, gözdə katarakta, yerə yıxıldıqda isə sınıqlar baş verə bilir;
- Cərəyanvurması zamanı ürəyin dayanması ən çox rastlanan patologiya hesab edilir;
- Cərəyanvurması zamanı ən çox zərər görən orqan dəri hesab edilir. Belə ki, cərəyanvurma zamanı dəridə ciddi yanıqlar əmələ gəlir. Ən çox cərəyanla əl təmasda olduğuna görə əl və qolların dərisi, bir də dabanlar yanığa məruz qalır;
- Şiddətli cərəyan yanıqlarından sonra dəridə boz-sarı rəngli, ağrısız, ortası nekroz toxumadan ibarət olan çapıq toxuma qalır.
Cərəyanvurma zamanı aşağıdakılara əməl etmək lazımdır:
- Elektriki ümumi cərəyandan kəsmək;
- Elektriki taxta alət və ya dəri kəmər vasitəsilə təmas nahiyəsindən ayırmaq;
- Elektrik axınını qarşısını almaq üçün quru bir taxta və ya rezinin üstünə çıxmaq;
- Xəstənin paltarlarından tutub həmin hissədən uzaqlaşdırmaq;
- Xəstənin huşu özündə deyilsə ayıltmağa çalışmaq;
- Cərəyan vuran şəxsin nəfəsi çıxmırsa ağızdan-ağıza nəfəs vermək.
Həkim gələnə kimi ilk tibbi yardım məqsədilə 1 xörək qaşığı yemək sodasını və ya 1 çay qaşığı duzu 1/3 litr suda həll edib, yarım saat içərisində xəstəyə içirtmək lazımdır. Amma ilk növbədə xəstəni xəstəxanaya çatdırmaq, onun həyati təhlükəsinin qarşısını ala bilər.