Azərbaycan Respublikasının Qida Təhlükəsizliyi Agentliyi (AQTA) İran İslam Respublikasından ölkəmizə idxal olunmuş “Ballı Store N” MMC-yə məxsus 7 372 kq bibər məhsulunda qonur qırışıqlıq virusu, “Frut-ZV” MMC-yə məxsus 8 650 kq və “Narnumru“ MMC-yə məxsus 21 100 kq  portağal məhsulunda isə sitrus tristeza virusu aşkarlayıb.

Aztibb.az xəbər verir ki, AQTA-dan verilə məlumata görə, faktlarla bağlı qanunvericiliyə uyğun olaraq, qida təhlükəsizliyi serifikatının verilməsindən imtina və təhlükəli məhsulların gömrük ərazisinin hüdudlarından kənarlaşdırılması, eləcə də məhv edilməsi barədə qərarlar qəbul olunub.

Qeyd edək ki, meyvə və tərəvəz xəstəlikləri məhsuldarlığı azaltmaqla, məhsulun keyfiyyətini aşağı salmaqla yanaşı, həm də insan sağlamlığına da mənfi təsir göstərir.