Braziliyada dörd böyrəyi ilə doğulan uşaq əməliyyat olunub.

Aztibb.az “New York Post”un məlumatına istinadən xəbər verir ki, Braziliyada həkimlər nadir patologiyası olan vaxtından əvvəl doğulmuş körpəni xilas ediblər, yeni doğulmuş körpənin dörd böyrəyi olduğu aşkarlanıb.

Qız vaxtından əvvəl doğulub və beş ay həkim nəzarətində olub. Bundan sonra dörd böyrəkdən birinin çıxarılmasına qərar verilib.

Əlavə orqan kiçik xəstənin bağırsaqlarına və mədəsinə təzyiq göstərirdi və uşaq yeməkləri həzm etməkdə çətinlik çəkirdi.

Lakin üç böyrəyi xilas edilən qız qan damarları ilə bağlı problemlər səbəbindən heç vaxt orqan donoru ola bilməyəcək.

Uşaq tez-tez soyuqdəymədən əziyyət çəkir, lakin tədricən tam həyata qayıdır.