Təəccüblü olsa da, pasiyent iynənin ora nə zaman və hansı şəraitdə daxil olduğunu xatırlamır.

Ola bilsin ki, uşaq yaşlarında ehtiyyatsızlıq nəticəsində daxil olub. Bəlkə də, məqsədyönlü şəkildə daxil edilib, çünki bəzi rayonlarda yeni doğulan, istənməyən qız uşaqları ilə bağlı belə halların yaşandığı məlumdur.

Aztibb.az xəbər verir ki, bu məlumatı endokrinoloq İlkin Əhmədli instaqram səhifəsində paylaşıb.

“Pasiyent mənə prolaktin hormonunun yüksəkliyi ilə bağlı müraciət edib. Səbəbini araşdırmaq üçün xəstə öncə baş beyin daxilində yerləşən hipofiz vəzisinin MRT müayinəsindən keçir. Müayinədən keçərkən, təsadüfən orada iynə aşkarlanır və MRT müayinəsi təhlükəli olduğundan (MRT müayinəsi - elektromaqnit əsaslarla işləyən aparatdır) dayandırılaraq, radioloq tərəfindən rentgen və KT müayinəsi ilə iynənin beyin daxilindəki yeri dəqiq müəyyən olunur. Neyrocərrahla konsultasiya etdikdən və pasiyentin fikrini aldıqdan sonra belə qərara gəldik ki, əgər iynə uzun illər orada fəsadlaşmamış şəkildə qalıbsa, toxunulmasın”, - deyə həkim bildirib.

Pasiyentə prolaktin hormonunun yüksəkliyi ilə bağlı konservativ müalicə yazılaraq, evə yola salınıb.