ÜST rəhbərliyi "2024-cü ildə sağlamlıq üçün təcili yardım tələbi" adlı onlayn görüşdə Sudan, Ukrayna, Efiopiya, Haiti, Myanma və Qəzzadakı qarşıdurmalardan dəhşətə gəldiklərini və bu il təxminən 166 milyon insanın həyat qurtaran humanitar sağlamlıq yardımına ehtiyacı olacağını açıqlayıb.
Aztibb.az “Haber Türk”ə istinadən xəbər verir ki, açıqlamada 2023-cü ildə dünyada hər beş uşaqdan birinin münaqişə zonalarında yaşayacağı və ya oradan qaçmaq məcburiyyətində qalacağı, iqlim dəyişikliyi çərçivəsində baş verən hadisələrin də sağlamlığa mənfi təsir etdiyi qeyd edilib.
"Sağlamlıq böhranlarının səbəb olduğu insan əzabını azaltmağın yalnız iki yolu var: maliyyələşdirməni artırmaq və ya ehtiyacları azaltmaq. Hal-hazırda bunların heç biri baş vermir. Humanitar işçilər müdaxilə etmədikdə, həyatlar risk altına düşür və icmaların ehtiyacları artır", - açıqlamada bildirilib.
ÜST-nin 2024-cü ildə dünyada ən həssas təbəqələri qorumaq üçün 1,5 milyard dollarlıq yardım çağırışı başlatdığını qeyd edən ÜST-ün baş direktoru Tedros Qebreyesus , bu yardımla 87 milyon insana həyat qurtaran humanitar yardım çatdırmağı hədəflədiklərini söyləyib.