Antalyanın Alanya rayonunda yaşayan Yasemin Yıldırım 6 il əvvəl yemək yeməkdə çətinlik çəkməyə başlayır.
Aztibb.az “Haber Türk”ə istinadən xəbər verir ki, udmaqda çətinlik çəkən və yemək üçün davamlı olaraq su içmək məcburiyyətində qalan Yasemin Yıldırıma “qida borusunun rahatlamaması səbəbindən qidanın mədəyə keçə bilməməsi” olaraq təyin olunan “aqalaziya” diaqnozu qoyulub.
Bu müddət ərzində Yasemin Yıldırım qida borusunun balon dilatasiyası ilə bağlı müalicə görsə də, xəstəlik yenidən alovlanıb.
ADÜ Xəstəxanasına müraciət edən xəstə, endoskopiya üsulu ilə əməliyyat olunub.
Qida borusu xəstəliklərində istifadə edilən endoskopik müalicə üsulu POEM (Peroral Endoscopic Myotomy) haqqında xəstəxanadan məlumat verilib ki, əməliyyat endoskopiya üsulu ilə xəstəliyə səbəb olan əzələləri kəsərək aparılır. 2 gün sonra isə sağalmaq üçün evə buraxılır.