Statistikaya görə, bütün dünyada diaqnozların əksəriyyətini xroniki qeyri-infeksion xəstəliklər təşkil edir. Hər il təxminən 41.000.000 insan bu xəstəliklərdən ölür, onların çoxu hələ də işdə aktiv ola biləcək yaşdadır.
Aztibb.az xəbər verir ki, “Arqumentı i faktı” nəşri bu barədə riskin modifikasiyası üzrə Birinci Ümumrusiya Konqresində çıxış edən ekspertlərə istinadən paylaşıb.
ÜST-nin araşdırmasına görə, ölümün aşağıdakı səbəbləri var: onkologiya, ürək-damar və xroniki respirator xəstəliklər, şəkərli diabet. Sadalanan xəstəliklər bütün ölümlərin 80%-ni təşkil edir. Bununla belə, onların bir çoxunun qarşısını almaq və ya idarə etmək olar.
ABŞ-ın Harvard Universitetinin alimləri tərəfindən aparılan araşdırma müəyyən qaydalara riayət edilməsinin ömür müddətini artıracağını göstərib. Əgər 50 yaşına qədər pis vərdişlərdən əl çəksəniz, normal çəki saxlasanız, müntəzəm idmanla məşğul olsanız və sağlam qidalar qəbul etsəniz, o zaman qadınlar ömürlərini 14, kişilər isə 12 il uzada bilər.