“Healthline Konsaltinq Şirkətinin tibb mütəxəssisləri aşkar ediblər ki, erkən hamiləlik yalnız menstruasiya gecikməsi və ya səhər xəstəliyi kimi müəyyən simptomlarla özünü göstərə bilər.
Aztibb.az xəbər verir ki,“The Mirror”nəşrində həkimlərin fərqinə vardığı fərqli bir simptom haqqında məlumat paylaşılıb.
Nəşrin məlumatına görə, hamiləliyin erkən dövründə qadında qripə bənzər simptomlar müşahidə oluna və tənəffüs yoluxucu infeksiyalara daha çox həssas ola bilər.
Hamiləlik immuniteti azaldır və qadını infeksiyalara qarşı həssas edir. Erkən hamiləlikdə soyuqdəymə və ya qrip əlamətlərini müşahidə etmək adi haldır.
Həkimlər hamilə qadınlara bu dövrdə sağlamlıqlarına daha çox diqqət yetirmələrini tövsiyə edirlər, çünki qrip döldə və anada ciddi fəsadlara səbəb olur.
Hamiləliyin ən məşhur əlamətləri arasında mütəxəssislər dad hisslərində dəyişikliyi qeyd edirlər. Bir qadının pəhrizindəki adi qidalar metal dadı verə, acı və daha az şirin ola bilər.