Fransada son sutkada COVID-19 epidemiyasına 47 637 yeni yoluxma, 235 ölüm faktı qeydə alınıb.

Aztibb.az xəbər verir ki, bu barədə Fransa Səhiyyə İdarəsi məlumat verib.

Bildirilib ki, ölkədə epidemiya başlayandan koronovirusun 36 020 qurbanı olub. Fransada COVID-19-a yoluxanların ümumi sayı 1 282 769-a çatıb.

Hazırda xəstəxanalarda 21183 koronavirus xəstəsi var. Reanimasiya şöbələrində ağır vəziyyətdə olan 3156 xəstəsi müalicə alır.

Braziliyada son sutka ərzində daha 26 106 nəfərin koronavirus infeksiyasına yoluxması, 513 nəfərin isə bu virusdan ölməsi təsdiqlənib.

İndiyədək Braziliyada koronavirusa ümumilikdə 5 494 376 nəfər yoluxub. Bu müddət ərzində 158 969 koronaviruslu xəstə dünyasını dəyişib.

Həmçinin bu günədək 4 954 159 xəstə müalicə olunaraq sağalıb.