Samsunda şizofreniya, bipolyar, psixotik və əhval pozğunluğu kimi ruhi xəstəliklərlə mübarizə aparan, həmçinin autizm və zehni geriliyi olanlara dəstək olmaq üçün "Ağır Ruhi Xəstəliklər Həmrəylik Xətti" yaradılıb.

Aztibb.az “TRT Haber”ə istinadən xəbər verir ki, Samsun İl Sağlamlıq Müdirliyi tərəfindən qurulan və həftənin 7 günü saat 09.00-18.00 arası "0362 311 25 21/22/24" telefon nömrəsi ilə fəaliyyət göstərən xəttdə 8-i çağırış qəbul edən personal və 2-si psixoloq olmaqla 10 nəfər çalışır.

İl Səhiyyə Müdiri Mustafa Uras xəstələrin yaşadığı problemlərə təsirli həll yolları tapmaq istədiklərini bildirərək qeyd edib ki, xətt qurarkən əsas məqsədimiz müalicə prosesində problem yaşayan və ehtiyac duyduğumuz xəstələrin yaşadıqları problemlərə təsirli həll yolları tapmaq idi. Dəstək vermək və onların düzgün bölmələrə yönəldilməsini təmin etmək.

Psixoloji xəstəliklərlə mübarizə çətin prosesdir. Xüsusilə də yeni diaqnoz qoyulan xəstələrimiz və onların yaxınları bu prosesi idarə etməkdə çətinlik çəkirlər. Biz bu xətti aktivləşdirdik ki, bu xəstələr və onların ailələri yanlarında olduğumuzu hiss etsinlər.

Türkiyədə ilk dəfə bu xətt Samsunda qurulub.