ABŞ-da elm adamları nanotexnologiya sayəsində kimyaterapiyaya alternativ ola biləcək xərçəng müalicəsi üsulu öyrəniblər. Bu üsulla müalicənin çox az yan təsirləri var.
Aztibb.az “TRT Haber”ə istinadən xəbər verir ki, Texasdakı Rays Universitetinin tədqiqatçıları tərəfindən "molekulyar çəkiclər" (MHJ) adlandırılan üsul şişləri aradan qaldırmaq üçün istifadə edilə bilər.
MHJ metodunda tibbi görüntüləmə prosedurlarında istifadə edilənə siyanin boyası bədənə vurulur. Bu boya xərçəng hüceyrəsinə bağlandıqdan sonra bədənə zərər vermədən dərinliyə nüfuz edə bilən infraqırmızı işıqla aktivləşir.
Bu siqnallar xərçəng hüceyrəsində vibrasiyaya səbəb olur və hüceyrə membranının qopmasına səbəb olaraq xərçəngi məhv edir.
Araşdırmanın aparıcı müəllifi akademik Ciceron Ayala Orozco texnologiyanın hələlik yalnız siçanlar üzərində sınaqdan keçirildiyini və prinsipcə işlədiyini bildirib. Akademik qeyd edib ki, insanlar üzərində təcrübələr ancaq illər sonra aparıla bilər.
O, həmçinin MHJ texnologiyasının xərçəng müalicəsində istifadə edilən kemoterapi ilə müqayisədə çox daha az yan təsirlərə səbəb olacağını deyib.
Rays Universitetindən James Tour siçanlar üzərində apardıqları təcrübələrdə heyvanların yarısında xərçəng hüceyrələrinin tamamilə məhv edildiyini bildirib.
Tədqiqatçı bu texnologiyanın bədəndəki xərçəng hüceyrələrinin qalıqlarını aşkar etmək üçün də istifadə oluna bilməsi üçün araşdırmalarını davam etdirdiklərini deyib.