İraqın Süleymaniyyə şəhərində ürəyinin sol tərəfi inkişaf etməmiş doğulan körpə Zennunun ağciyərlərini qidalandırmaq üçün Konyadakı özəl xəstəxanada bədəninə süni damar qoyulub.
Aztibb.az “Medimagazin” portalına istinadən xəbər verir ki, Süleymaniyyədə yaşayan Yunuslar ailəsinin körpəsi Zennu 39-cu həftədə aşkarlanan ürək problemi nəticəsində keysəriyyə əməliyyatı ilə dünyaya gəlib.
Xəstəxanada körpənin ürəyinin sol tərəfinin inkişaf etmədiyi və ağciyərlərini qidalandıran əsas venanın olmadığı barədə ailəyə məlumat verilib.
Körpəsinin sağ qalma şansının 20 faiz olduğu bildirilən ailə bir qohumu vasitəsilə Başkent Universiteti Konya Tətbiq və Araşdırma Xəstəxanası ilə əlaqə saxlayıb.
Lazımi yoxlamalar aparıldıqdan sonra körpəni götürmək üçün Konyadan pediatrla təchiz olunmuş təcili yardım maşını göndərilib.
Süleymaniyyədən təxminən 7 saatda Habur Sərhəd Qapısına gətirilən körpə Zennu 17 saatlıq səfərdən sonra Konyaya çatdırılıb.
Xəstəxananın Uşaq Kardiologiyası Mütəxəssisi, Fakültə Üzvü Mahmut Gökdemir və Ürək-Damar Cərrahiyyəsi Mütəxəssisi Dr. Mehmet Çelik və komandası tərəfindən əməliyyata alınan körpə Zennuya süni damar qoyulub.