“Rossiya 1” kanalında yayımlanan “Ən mühüm şey haqqında” verilişinin efirində həkimi Tatyana Şapovalenko şirniyyatın immunitet sistemi üçün zərərlərindən danışıb.

Aztibb.az bu barədə lenta.ru portalına istinadən xəbər verir ki, Tatyana Şapovalenko düzgün qidalanmanın immunitet sistemini gücləndirmək və soyuqdəymələrin qarşısını almaq üçün mühüm amil olduğunu vurğulayıb.

T.Şapovalenko qeyd edib ki, çoxlu miqdarda şirniyyat qəbul etmək immunitetimizə mənfi təsir göstərir. Şirniyyatlara qapılıb, bununla da bağırsaqların və immunitet sisteminin fəaliyyətini pozuruq. Bu, müxtəlif sağlamlıq problemlərinə və immunitetin zəifləməsinə səbəb ola bilər.

Buna görə də həkim bizi qida seçimlərimizdə daha şüurlu olmağa və istehlak etdiyimiz şəkərin miqdarına nəzarət etməyə cağırır.