Qastroenteroloq Lyudmila Suxorukova zəhərlənməyə səbəb ola biləcək ən təhlükəli məhsulların sırasında süd məhsulları, yumurta, ət, balıq və qənnadı məmulatlarının adını çəkib. Həkim onu da vurğulayıb ki, evdə hazırlanan konservlər və turşulardan, marinadlardan istifadə edərkən xüsusi diqqətli olmaq lazımdır.

Aztibb.az “Neprosto.fun” nəşrinə istinadən xəbər verir ki, həkim soyuducuda saxlama tələb edən və tez xarab olan qidaları, həmçinin zəhərlənməyə səbəb ola biləcək hazır kulinariya məhsulları ilə də diqqətli olmağı tövsiyə edib.

Bu məhsullar istehlakçıdan xüsusi qayğı və onlardan istifadə zamanı təhlükəsizlik qaydalarına riayət olunmasını tələb edir.

Nəhayət, yadda saxlamaq lazımdır ki, qida zəhərlənməsinin qarşısının alınması qidanın düzgün saxlanması və hazırlanması ilə bağlıdır. Qida təhlükəsizliyi tələblərinə uyğunluq xoşagəlməz nəticələrin qarşısını almağa kömək edəcəkdir.