“Litter Cam AI” avtomobilin şüşələrindən zibil atan sürücüləri aşkar edir, avtomobilin dövlət nömrə nişanını tanıyır və qaydanı pozan şəxsə cərimə göndərir.

Aztibb.az “Involta media” nəşrinə istinadən xəbər verir ki, bu yeni AI modeli İngiltərədə ətraf mühitin keyfiyyətini yaxşılaşdırmaq və tullantıların miqdarını azaltmaq üçün yaradılıb.

Neyroşəbəkə istehsalçısının sözlərinə görə, müasir dünyada yeni effektiv alətlər olmadan iqlimə nəzarət etmək çətindir. Eyni zamanda, regional və milli hakimiyyət orqanları yeni alətlər tətbiq edərkən minimum risk tələb edir.

Yeni texnologiya artıq onun keyfiyyətini təsdiq edən patenti alıb. Süni intellekt qanun pozuntusu aşkar etdikdən sonra platforma bu kadrları yoxlama xidmətinə ötürür, bundan sonra avtomobilin sahibi haqqında ətraflı məlumat əldə etmək üçün sorğu, daha sonra isəhəmin şəxsə cərimə göndərilir.

Startapın baş icraçı direktoru İT və müştərilərin idarə edilməsi sahəsində 20 illik təcrübəyə malik olan Endryu Kempdir. O, həmçinin ətraf mühitin keyfiyyətinin yerli monitorinqi üzrə ekspertdir.

İstehsalçı onu da qeyd edib ki, təklif olunan kompleks həll yalnız avadanlıqları deyil, həm də proqram təminatı və xidmətləri, o cümlədən müraciətlərlə işi əhatə edir.