Massaçusets Texnologiya İnstitutu bölünməsi maye neyron şəbəkəsi adlanan və yeni növ AI (süni intellekt) modelinə əsaslanan ümumi təyinatlı AI sistemlərini qurmağı hədəfləyir.

Aztibb.az xəbər verir ki, “Involta media” nəşrinin məlumatına görə, təşəbbüsçü robototexnika korifeyi və MİT-in Kompüter Elmləri və Süni İntellekt Laboratoriyasının direktoru Daniela Rusdır.

Maye neyron şəbəkələri hər birinin davranışı onları idarə edən tənliklərlə proqnozlaşdırılan neyronlardan ibarətdir.

Qurdların beyinlərindən ilhamlanan maye neyron şəbəkələri mövcud süni intellekt modellərindən xeyli kiçikdir. Eyni zamanda, onların effektiv işləməsi üçün daha az hesablama gücü tələb olunur.

Zamanla, maye neyron şəbəkələri təkmilləşdirmələrə nail olmaq üçün öz parametrlərini uyğunlaşdırır. Ani görüntüləri və ya fərdi məlumat parçalarını emal edən əksər AI modellərindən fərqli olaraq, onlar məlumatların ardıcıllığına baxır və neyronlar arasında siqnalı dinamik şəkildə tənzimləyirlər.

Bu keyfiyyətlər sayəsində maye neyron şəbəkələri ətraf mühit şəraiti və dəyişikliklərinin öhdəsindən gələ bilər.
Qeyd edək ki, tibbdə neyroşəbəkələr nəhəng həcmdə olan məlumat bazasını emal edərək, xəstənin sağlamlığına təsir edən gözlənilməz faktorları tapa bilir və hətta ən mürəkkəb xəstəliklərə belə dəqiq diaqnozun müəyyən edilməsinə səbəb olur.