ABŞ-da sifilis hallarının sayında artım müşahidə edilməkdədir. Həmçinin anadangəlmə infeksiya ilə doğulan uşaqların da sayı çoxdur. Vəziyyət ürəkaçan deyil, çünki yoluxmuşları müalicə etmək üçün kifayət qədər antibiotik “Bicillin” yoxdur.

Aztibb.az “Gazeta” nəşrinə istinadən xəbər verir ki, bu barədə Corc Meyson Universitetinin bioloqu və professoru Ança Baranova danışıb.

2019-cu ildən bəri ABŞ-da sifilis nisbətləri yüksəlir və pandemiya zamanı artım sürətlənib. Təkcə Hyustonda 2016-cı ildə anadangəlmə Treponema pallidum infeksiyası ilə 16 uşaq doğulub, 2021-ci ildə isə artıq 151 uşaq, - professor Baranova Teleqram kanalında məlumat verib.

"Sifilisi penisilinin uzun müddət təsir edən forması olan “Bicillin” ilə mükəmməl şəkildə müalicə etmək olur. Dərmanın bu forması hamilə qadınlara verilə bilər ki, nəticədə körpələrdə anadangəlmə sifilis olmur.

Eyni zamanda, Pfizer tərəfindən istehsal olunan “Bicillin L-A” hazırda kəskin çatışmazlıq içərisindədir. Pfizer açıqlayıb ki, qıt olan dərman ehtiyatını artırmaq üçün mümkün olan hər şeyi ediləcək.

Xatırladaq ki, bu antibiotik bir qədər təkmilləşdirilmiş, lakin əslində, 1944-cü ildə istehsal olunmağa başlayan və cüzi modifikasiyadan (sabitləşmədən) sonra 1950-ci ildə patentləşdirilmiş eyni penisilin preparatıdır. Dərman ÜST siyahısına daxil edilib və hələ də həyati vacib dərmanların sırasında yer alıb.