Məşhur həkim Avik Roy bu ədviyyatın dəyəri haqqında məlumat paylaşıb. Qədim zamanlardan “qara qızıl” kimi tanınan qara bibər yeməklərə ədviyyat qatmaqla yanaşı, sağlamlığımıza da müsbət təsir göstərir.

Aztibb.az “Medzdrav.İnfo”ya istinadən xəbər verir ki, həkimin bildirdiyinə görə, qara bibər arıqlamağa kömək edir, çünki onun əsas aktiv komponenti olan piperin yağ hüceyrələrinin əmələ gəlməsinin qarşısını alır. Bundan əlavə, bədəndən toksinləri çıxarmağa və xərçəngə tutulma riskini azaltmağa kömək edə bilər.

Yeni tədqiqatın nəticələri bunları deməyə əsas verib.Həkim qara bibərin həzmi normallaşdırmaqda, xolesterinin səviyyəsini azaltmaqda və ürək-damar xəstəlikləri riskini azaltmaqda da əhəmiyyətini qeyd edib.

Maraqlıdır ki, qara bibərin vətəni Hindistandır, oradan bütün dünyaya yayılıb. Makedoniyalı İsgəndər bunu sınayan ilk şəxs hesab olunur.