Rusiya Federasiyasında Qərb at ensefalitinə yoluxma hallarının yaşandığı barəadə xəbər yayılıb.
Aztibb.az “Medik Forum” nəşrinə istinadən xəbər verir ki, xəbər rəsmi olaraq təkzib edilib. Xidmətin qeyd etdiyi kimi, Rusiya Federasiyası əlverişsiz epidemiya şəraiti olan ölkələrdən gələn insanlara nəzarət edir.
“Qərb at ensefaliti Rusiya Federasiyasında qeydə alınmamışdır. Vəziyyət tam nəzarət altındadır. Bu barədə İstehlakçıların Hüquqlarının Müdafiəsi və İnsan Rifahına Nəzarət Federal Xidmətinin press-relizində deyilib.
Bir müddət öncə Argentinanın Səhiyyə Nazirliyi atlarda Qərb ensefalitinə yoluxmanın qeydə alındığını açıqlamışdı.
Rusiya rəsmiləri bildirib ki, “Perimetr” avtomatlaşdırılmış informasiya sistemi simptomları öyrənir və əlverişsiz epidemiya vəziyyəti olan ölkələrdən Rusiya Federasiyasına qayıdan insanlarda onları tez bir zamanda aşkar edir.
Qərb at ensefaliti nadir viral xəstəliklərdən biridir. Ağcaqanad dişləməsindən heyvana ötürülür və bu da insanlara yoluxa bilər. Eyni zamanda, xəstəlik insandan insana keçə bilməz. Ensefalitin əlamətlərinə baş ağrısı, yorğunluq, zəiflik və halsızlıq daxildir.