Çin alimləri araşdırma əsasında sübut ediblər ki, külli miqdarda pul itkisi nəticəsində yaranan stress idrak qabiliyyətinin, o cümlədən demensiyanın (beynin üzvi zədələnməsi) azalmasını sürətləndirə bilər.

Aztibb.az “Medzdrav.İnfo”ya istinadən xəbər verir ki, tədqiqatda iştirak etmək üçün son iki il ərzində (iştirak etdiyi tarixdən) maliyyə böhranı keçirmiş 50-65 yaşlı səkkiz mindən çox insan cəlb edilib.

Üstəlik, bu adanların əksəriyyəti üşün maliyyə çöküşü müxtəlif səbəblərdən pul kapitallarının 75%-dən çoxunun itirilməsi demək idi. Alimlər iştirakçıların sağlamlıq vəziyyəti haqqında məlumat toplayıb və onların idrak qabiliyyətlərinin səviyyəsini qiymətləndiriblər. Bundan sonra 14 il davam edən uzun bir müşahidə mərhələsi başlanıb.

Müşahidə müddəti başa çatdıqdan sonra tədqiqatçılar iştirakçılardan idrak qabiliyyətlərinin səviyyəsini müəyyən etmək üçün yenidən testlər keçirmələrini xahiş ediblər.

Məlum olub ki, ciddi maliyyə itkiləri yaddaşın, həmçinin məlumatı qavramaq və emal etmək qabiliyyətinin pisləşməsi ilə bağlı olub. Ancaq bu korrelyasiya yalnız 65-yaşlı insanlar arasında müşahidə edilib. Elm adamları yaşlı insanların stresli həyat hadisələrinin öhdəsindən daha yaxşı gəldiyini irəli sürüblər.

Tədqiqatçıların elmi qənaətinə görə, adi xərcləmə səviyyəsinin azalması və borcun yığılması sağlamlığın qorunması üçün zəruri olan mal və xidmətlərin istehlakının azalmasına səbəb olub.

Bundan əlavə, maddi itkilərdən yaranan stress qidalanma və fiziki vərdişlərdə dəyişikliklərə səbəb ola bilər ki, bu da dolayı yolla sağlamlığın pisləşməsinə və nəticədə demensiyaya səbəb olur.