Bəzi məhsullar və bir sıra sadə fəndlər ziyafətdən sonra spirt zəhərlənməsi riskini azaltmğa kömək edir.

Aztibb.az “Med Novelty” portalına istinadən xəbər verir ki, qastroenteroloq Evgeni Belousovun sözlərinə görə, sink və B vitaminləri ilə zəngin qidalar “xəstələnməməyə” kömək edir.

"Bu məhsullara mal əti, qaraciyər, dəniz məhsulları (məsələn, midye, siyənək) buğda, həmçinin yerkökü, noxud, soğan, ispanaq və qoz-fındıq daxildir", - mütəxəssis izah edib.

Həkim xəbərdarlıq edib ki, çox miqdarda spirtli içki qəbul etdikdə və ya müəyyən qidalar səbəbindən alkoqoldan zəhərlənmə riski artır.

Həmçinin satışda olan içkilərin əksəriyyəti texniki standartlara cavab vermir. Digər tərəfdən isə spirtli içkiləri qəbul edən şəxslər dozaya məhəl qoymurlar. Bunlar da zəhərlənməyə səbəb olur.

Bundan əlavə, qastroenteroloq istehlak edilən alkoqolun ümumi miqdarını azaltmaq üçün adi içkilərlə alkoqolun dəyişdirilməsini, həmçinin acqarına içməməyi tövsiyə edib.