İngiltərədə 30 yaşlı qadının qulağında yuvalı hörümçək tapılıb.

Aztibb.az “The Sun” nəşrinə istinadən xəbər verir ki, hadisə Seyl qəsəbəsində baş verib. İbtidai sinif müəllimi sağ qulağında dayanmayan küy və sonradan şiddətli ağrılar səbəbi ilə həkimə müraciət edib, həkim ona infeksiyaya qarşı dərman yazıb. Laki dərmanın faydası olmayıb.

“Sonra qulağa nə baş verdiyini özüm görmək qərarına gəldim və mikrokamera taxdım. Görünüşü görəndə tamamilə dəhşətə gəldim. Bunun nə olduğu barədə heç bir fikrim yox idi”, - deyə ingilis qadın bildirib.

O, xəstəxanaya qayıdbı, bu dəfə onu daha diqqətlə müayinə ediblər və qulaq kanalında hörümçək yuvası və kiçik ölçüdə bir hörümçək aşkar ediblər. Qadın əməliyyatın çox ağrılı keçdiyini bildirib.

Onun qulağında yaşayan hörümçək qadında ağır infeksiyaya səbəb olub. O, bir neçə gün xəstəxanada yatmalı və sonra isə evdə dərman qəbuluna davam etməli olub.