Xərçəngin qarşısını almaq üçün şəkərin pəhrizdən xaric edilməsi kifayətdir deyə bir fikir var. Bu belədirmi?

Aztibb.az xəbər verir ki, suala cavabını Rusiya Səhiyyə Nazirliyinin Milli Tibbi Tədqiqat Radiologiya Mərkəzinin baş direktoru akademik Andrey Kaprin “Arqumentı i faktı” nəşrinə müsahibəsində bildirib:

“Şəkər xərçəngə səbəb olmur. Lakin şirin və nişastalı qidaların həddindən artıq istehlakı piylənməyə səbəb ola bilər və bu da öz növbəsində maddələr mübadiləsində müxtəlif dəyişikliklərə, daxili orqanların işində pozulmalara, qaraciyərin böyüməsinə (hepatoz) gətirir və bu hallar xərçəngin inkişafına səbəb ola bilər”.

“İşimizin təcrübəsi göstərir ki, piylənmə kolorektal xərçəngə səbəb ola bilər və kök qadınlarda tez-tez sidik-cinsiyyət sistemi xərçəngi inkişaf edir”, - deyə akademik əlavə edib.