Kolonoskopiya dedikdə yoğun bağırsağın arxa keçəcəkdən kor bağırsağa qədər borulu alətlə müayinəsi başa düşülür.
Aztibb.az xəbər verir ki, qastroenteroloq-endoskopist Aynur Qurbanovanın bildiridiyinə görə, bağırsaqların müainəsi endoskopik prosedurlara aiddir, istifadə edilən alət isə kolonoskop adlanır: "Bu, optik hissədən və işıq mənbəyindən ibarət olan kameralı alətdir. Bu optik sistem bağırsağın daxili səthini işıqlandırmağa və ona birbaşa yaxud monitorda (videoendoskop) baxmağa imkan verir
Hansı xəstəliklər aşkarlana bilər?
Həkim qeyd edib ki, kolonoskopiyanın vacib funksiyası bağırsaq xərçənginin erkən diaqnostikasıdır – vaxtında aşkarlanarsa əksər hallarda cərrahi əməliyyatla aradan qaldırıla bilər. Bir tərəfdən bağırsaq xərçənginə meyilli olan insanlarda, digər tərəfdən şübhəli əlamətlər aşkarlanan xəstələrdə - qanlı nəcis, defekasiya aktının pozulması, səbəbsiz arıqlama, eləcə də yaşı 55-dən yuxarı olanlarda aparılması vacibdir.
Bağırsaq xərçənginin ilk mərhələsi poliplərdir ki, bunlar da endoskopik olaraq aşkarlana, çıxarıla və mikroskopik olaraq müayinə oluna bilər. Bunlardan əlavə xoralı kolt,babasil düyünləri,anal çat, bədxassəli törəmələr aşkarlana bilər.