Kəskin qastroenterit həzm sisteminin infeksiyası və ya iltihabı nəticəsində yaranan qısamüddətli xəstəlikdir.

Aztibb.az xəbər verir ki, qastroenteroloq-endoskopist Aynur Qurbanovanın sözlərinə görə, çox vaxt rast gəlinən qarın krampları, ishal və ya qusma kimi simptomlar tez-tez xəstəliklə müşayiət olunur.

Qeyd edib ki, viral və ya bakterial mənşəli ola bilən qastroenterit parazitlər və ya kimyəvi maddələr səbəbindən də yarana bilər. Xəstəlikdən qorunmağın ən təsirli və asan yolu fərdi gigiyenaya diqqət yetirməkdir:

"Qastroenterit yoluxucu xəstəlik olduğundan, digər ailə üzvlərinə yoluxmamaq üçün müalicə zamanı şəxsi əşyaların paylaşılmasından çəkinmək lazımdır. Bəzi hallarda xəstəliyin simptomları ağır ola bilər. Belə hallarda nə edilə biləcəyini öyrənmək üçün xəstəliyi yaxşı bilmək lazımdır".