Sklerodermiya dəri və bədənin digər orqanlarına təsir edən sistemik bir autoimmün revmatoloji xəstəlikdir. Digər autoimmun xəstəliklərdə olduğu kimi, sklerodermiyada da orqanizmin immun sistemi bəzi öz hüceyrələrini yad maddə kimi qəbul etməsi (öz toxumalarına hücum etməsi) nəticəsində inkişaf edən autoimmun xəstəliklərdəndir.

Aztibb.az xəbər verir ki, revmatoloq Vüsalə Atakişiyeva sözlərinə görə, xəstəlik soyuqdan sonra (bəzən stresslə) bədənin uc nahiyyələrində, məsələn, əl və ayaq barmaqlarda meydana gələn ağrılı rəng dəyişikliklərinə səbəb olur.

Dəyişiklik barmaqların ucuna qan axını müvəqqəti olaraq kəsildikdə baş verir. Bu, xəstəliyin ilkin əlamətlərindən biridir. Sklerodermalı xəstələrin 90 faizindən çoxunda Reyno fenomeni olur. Barmaqlarda və ayaq barmaqlarında şişlik, rəngin dəyişməsi, uyuşma, ağrı, dəridə yara və qanqrenaya səbəb ola bilir.

Bu xəstəliyin əsas əlamətlərindən biri də dərinin bərkiməsi və qalınlaşması,rənginin tündəlşməsidir. Buna “skleroderma” deyilir.

Həkim qeyd edib ki, sklerodermiyanın səbəbi məlum deyil. Genetik faktorların və bəzi ətraf mühit amillərinin, eləcə də stress və yuxusuzluğun rolu diqqət cəlb edir.

Xəstəliyi erkən aşkar etmək, dəridə qan damarlarında olan zədələnmələrlə bağlı əmələ gələn yaraların və ya ağciyər tutulmasının qarşısını almaq mümkündür.