Şotlandiyada 30 yaşlarında olan xəstə asqırmağı basdırmaq üçün burnunu çimdiklədikdən və ağzını bağladıqdan sonra şiddətli ağrılarla xəstəxanaya çatdırılıb.

Aztibb.az “TRT Haber”ə istinadən xəbər verir ki, xəstəxanadan verilən məlumata görə, skan müayinələr zamanı məlum olub ki, xəstənin nəfəs borusunda 2 millimetrlik yırtıq var.

Evdən çıxanda ona ağrıkəsicilər verilib. Həkimlər də ona iki həftə ərzində ağır fiziki fəaliyyətdən uzaq durmağı tövsiyə ediblər.

Mütəxəssislər bildirib ki, asqırarkən həm ağız, həm də burun örtülü olarsa, yuxarı tənəffüs yollarında təzyiq təxminən 20 dəfə arta bilər.

“Burun sıxılmış və ağız bağlı halda asqırarkən nəfəs borusunda təzyiqin sürətlə artması nəticəsində nəfəs borusunun partlamasından şübhələnirik”, – xəstənin hesabatını hazırlayan həkimlər xəbərdarlıq edib.

Tibbdə "spontan traxeyanın perforasiyası" kimi tanınan qəfil boğaz qopması nadir olsa da, potensial olaraq həyat üçün təhlükə yarada bilər.