Normal hamiləlikdə ürəyə əlavə yük düşür. Buna görə də əvvəlcədən ürək xəstəliyi olan qadınların bu artan yükə uyğunlaşması çətin ola bilər. Bu, ana və körpə üçün təhlükə yaradır.

Bu barədə Aztibb.az-a Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev bildirib.

Onun sözlərinə görə, əvvəlcədən diaqnoz qoyulmuş ürək xəstəliyi varsa, hamilə qalmazdan əvvəl ürək xəstəlikləri mütəxəssisinə müraciət etməli, hamilə qalsanız hər hansı bir problemin olub-olmayacağını öyrənməlisiniz. Həkimin icazə verdiyi vaxtda hamilə qalmağınız tövsiyə olunur.

"Ürək xəstəliyi məlum olan hamilə qadınlar, kardioloq, mama-ginekoloq və gələcək ana da daxil olmaqla, komanda işi prinsipi ilə izlənilməlidir.

Öncədən bilinən ürək xəstəliyiniz varsa, hamiləlikdən əvvəl planlaşdırma və qoruyucu tədbirlərin görülməsi vacibdir!", - deyə uzman həkim əlavə edib.