A qripi beyin və ağciyərlərin şişməsi kimi ciddi fəsadlara səbəb ola bilən təhlükəli xəstəlikdir.

Aztibb.az xəbər verir ki, bu barədə infeksionist, Sergey Voznesenski xəbərdarlıq edib:

“A qripi kəskin respirator virus infeksiyasıdır və yüksək hərarət, halsızlıq, burun axması və öskürək ilə özünü göstərir. Fəsadlar iki növ ola bilər: birinci qrup, ağciyər şişi, tənəffüs çatışmazlığı və beyin şişi daxil olmaqla, virusla birbaşa əlaqəlidir; ikinci qrup ağırlaşmalar bakterial infeksiyanın əlavə edilməsi ilə əlaqələndirilir”.

Həkim vurğulayıb ki, müalicə olunmasa, xoşagəlməz nəticə ehtimalı təxminən 1% təşkil edir. Ona görə də o, bütün vətəndaşlara qripə qarşı peyvənd olunmasını qətiyyətlə tövsiyə edib.

Peyvənd bu xəstəliklə mübarizədə ən təsirli vasitədir. Həkim həmçinin COVID-19 pandemiyası ilə əlaqədar artıq adi hala çevrilmiş maska taxmaq, əlləri mütəmadi olaraq yumaq və məsafə saxlamaq kimi ehtiyat tədbirlərinə riayət etməyin vacibliyini də xatırladıb.