Kanada alimləri uşaqlıqda travmatik hadisələrlə qarşılaşan insanların xroniki ağrı sindromu inkişaf riskinin artdığını aşkar ediblər.

Aztibb.az xəbər verir ki, təticələr “European Journal of Psychotraumatology” (EJP) jurnalında dərc olunub.

Yeni araşdırma uşaqlıqda travmatik hadisələrin gələcək fiziki sağlamlığa təsiri ilə bağlı əvvəlki 57 elmi araşdırmanın nəticələrinə əsaslanır. Araşdırmaya 826452 könüllünün məlumatlarının istifadəsi cəlb edilib.

Tədqiqatlar zamanı iştirakçıların fiziki sağlamlığı haqqında məlumatlar qeydə alınıb. Subyektlərdən, həmçinin uşaqlıqda fiziki, cinsi və ya emosional zorakılıq, eləcə də müxtəlif etinasızlıq formaları ilə qarşılaşıb-qarşılaşmadıqlarını bildirmələri istənilib.

Meta-analiz, uşaqlıqda müxtəlif sui-istifadə və ya laqeydliyə məruz qalmış insanların travmaya məruz qalmayanlara nisbətən yetkinlik dövründə xroniki ağrıları bildirmə ehtimalının 45% daha çox olduğunu müəyyən edib. Bundan əlavə, uşaqlıqda fiziki zorakılıq xroniki xəstəlik səbəbindən əlilliyin inkişafı ehtimalının yüksək olması ilə əlaqələndirilib.

Tədqiqatın müəllifləri ümid edirlər ki, uşaqlıq travması ilə xroniki ağrı arasındakı dəqiq əlaqəni başa düşmək tibb işçilərinə zorakılığın uzunmüddətli mənfi təsirini azaltmaq üçün hədəflənmiş strategiyalar hazırlamağa imkan verəcək. Alimlər həmçinin bu iki fenomen arasındakı əlaqənin altında yatan mexanizmlərin daha dərin öyrənilməsinin zəruriliyini bildiriblər.