İsrailin Ariel Universitetinin alimləri ekranda uzun müddət qalmanın uşaqlarda autizm spektri pozğunluğunun (ASD) inkişafı ilə əlaqəli olduğuna dair heç bir inandırıcı dəlil müəyyən etməyiblər.

Aztibb.az xəbər verir ki, tədqiqatla bağlı nəticələr “Journal of the American Medical Association” jurnalənda dərc edilib.

Yeni araşdırma əvvəlki 46 elmi məqalənin nəticələrinə (meta-analiz) əsaslanır.

Tədqiqatlarda ümumilikdə 562 131 könüllü iştirak edib. Elm adamları uşaqların televizor, planşet və kompüter ekranları qarşısında nə qədər vaxt keçirdikləri barədə məlumatları qeydə alıblar. Daha sonra tədqiqatçılar daha çox ekran vaxtının ASD inkişaf riskinə təsir edib-etmədiyini müəyyən etməyə çalışıblar.

Qeyd edək ki, ASD sosial qarşılıqlı əlaqə və ünsiyyətdə pozğunluqlarla xarakterizə olunan neyroinkişaf pozğunluğudur.

Təhlil nəticəsində alimlər qadcetlərdən həddindən artıq istifadə ilə uşaqlarda autizm spektri pozğunluğunun inkişaf ehtimalının artması arasında inandırıcı əlaqə tapmayıblar. Tədqiqatın müəllifləri qeyd ediblər ki, çox güman ki, ASD olan uşaqlarda ilkin olaraq qadcetlərə maraq artır və nəticədə də qadcetlə çox zaman keçirirlər.