Rusiyada dəri xərçəngi ilə mübarizə üçün nəzərdə tutulan “Nurdati” adlı yeni dərman preparatı qeydiyyata alınıb.
Aztibb.az xəbər verir ki, Rusiyanın Biocad biotexnoloji şirkətinin mətbuat xidmətindən “RİA Novosti”yə verilən məlumata görə, bu dərman bədənin şişlərlə mübarizədə immunitetini artırır.
Rusiya Federasiyasının Səhiyyə Nazirliyi rezeksiyası mümkün olmayan və ya metastatik melanomanın müalicəsi üçün orijinal hesab edilən bu dərmanı qeydə alıb.
Dərman Biocad tərəfindən hazırlanıb və iki monoklonal anticisim - nurulimab və prolqolimabın birləşməsindən ibarətdir...”, - şirkətdən bildirilib.
Nurulimab və prolqolimabın birləşməsi immun cavabın müxtəlif mərhələlərində T hüceyrələrini aktivləşdirir ki, onlar bədxassəli hüceyrələri tam tanıya və məhv edə bilsinlər.
"Başqa sözlə, şişin immunoloji nəzarətinə başlanılır və orqanizm bədxassəli formalaşma ilə müstəqil şəkildə mübarizə aparmağa başlayır", - mütəxəssislər izah edib.