Tibb elmləri doktoru Yevgeni Çeremuşkin müsahibəsində bildirib ki, əvvəllər bu problemlə üzləşməmiş insanda qəfil allergiyanın təzahürü xərçəngin inkişafının əlaməti ola bilər. O vurğulayıb ki, ani kilo itkisinə və ya artıma da diqqət yetirməlisiniz.

Aztibb.az “Neprosto.fun” onlayn nəşrinə istinadən xəbər verir ki, çəkinin qəfil dəyişməsi sağlamlığın pisləşməsinin ən ciddi xarici təzahürlərindən biridir. Çəki azalması vəziyyəti xüsusilə təhlükəlidir, çünki onun arxasında onkologiya ola bilər. Bundan əlavə, allergik reaksiyalar vasitəsilə şiş özünü göstərə bilər.

Bütün bu əlamətlər bədənin endokrin, ürək-damar və sidik sistemlərinin işində pozuntuları göstərir.

İnsan davranışındakı dəyişikliklərə də diqqət yetirmək lazımdır. Məsələn, əgər əvvəllər şən və nikbin insan özünü daim yorğun və əsəbi hiss etməyə başlayırsa, bu, onun bədənində ciddi pozğunluqların olduğunu göstərə bilər, ekspert əlavə edib.