Braziliyada son sutka ərzində daha 29 787 nəfərin koronavirus infeksiyasına yoluxması, 549 nəfərin isə bu virusdan ölməsi təsdiqlənib.

Aztibb.az xəbər verir ki, bu barədə ölkənin Səhiyyə Nazirliyi məlumat yayıb.

Nazirlik bildirib ki, indiyədək Braziliyada koronavirusa ümumilikdə 5 439 641 nəfər yoluxub. Bu müddət ərzində 157 946 koronaviruslu xəstə dünyasını dəyişib. Həmçinin bu günədək 4 904 046 xəstə müalicə olunaraq sağalıb.

Fransada COVID-19-a gündəlik 33 417 yeni yoluxma faktı, 292 ölüm faktı qeydə alınıb. 

Fransa Səhiyyə İdarəsindən bildirilib ki, epidemiya başlayandan ölkədə ümumi yoluxanların sayı 1 198 695-ə çatıb.

Ümumilikdə xəstəxanalarda 18 955 koronavirus xəstəsi var ki, onlardan 2988-i son 24 saat ərzində xəstəxanaya yerləşdirilib.

Türkiyədə son sutka ərzində COVID-19-dan daha 76 nəfər dünyasını dəyişib.

Son 24 saatda 127 651 şübhəli koronavirus testindən keçib, onlardan 2209-nun cavabı pozitiv çıxıb, 1511 xəstə isə sağalaraq evə buraxılıb. Ölkədə ağır xəstə sayı 1827 nəfər olub.