Türkiyı Səhiyyə Nazirliyi “Peyvənd İzləmə Sistemi (ATS) səbəbindən vaksinlərdə təhlükə var” iddiasının real olmadığını, peyvəndlərin soyuq zəncir şəraiti ilə bağlı tərəddüd etməyə əsas olmadığını bildirib.

Aztibb.az “TRT Haber”ə istinadən xəbər verir ki, səhiyyə nazirliyinin İctimai Səhiyyə Baş İdarəsindən verilən açıqlamada bəzi KİV-lərin “ATS-ə görə peyvəndlərdə təhlükə olduğunu” iddia etdiyi bildirilib.

Açıqlamada vurğulanıb ki, Respublika üzrə Səhiyyə Baş İdarəsi tərəfindən peyvəndin və antizərdabların daşınması üçün istifadə olunan anbarlarda, şkaflarda və nəqliyyat vasitələrində temperatur və ehtiyat monitorinqi real vaxtda və müntəzəm olaraq 13 min 850 sensor və 12 min 890 cihazda proqram yeniləməsindən sonra problemlər yaşandığı iddiası həqiqəti əks etdirmir.

Qeyd edilib ki, sistemdə 30 dəqiqə ərzində cihazdan məlumat alınmazsa, çağrı mərkəzi müvafiq bölməyə zəng edir, 2 saat ərzində eyni cihazdan məlumat alınmazsa, məlumat göndərilir. Bütün bu nəzarət proseslərinin məqsədi peyvəndlərin ATS vasitəsi ilə vətəndaşlara təhlükəsiz şəkildə çatmasını təmin etməkdir.

“Xülasə, vaksinlərin soyuq zəncir şərtlərinə uyğun olaraq son istifadəçiyə çatma prosesini müəyyən alqoritmlə izləyən ATS ilə bağlı xəbərlərdəki məlumatlar həqiqəti əks etdirmir. Vətəndaşların soyuq zəncir şərtləri ilə bağlı tərəddüd etməsinə heç bir əsas yoxdur”, – deyə bildirilib.