Qış mövsümü ilə birlikdə soyuq havalar astma xəstələrini gərginləşdirir. Mütəxəssislər astma xəstələrinə xüsusilə çox soyuq havalarda çölə çıxmamağı tövsiyə edir. Əgər çölə çıxmalı olsalar, tədbir görməlidirlər.
Aztibb.az “TRT Haber”ə istinadən xəbər verir ki, astma dünyada ən çox yayılmış qeyri-infeksion xroniki respirator xəstəlik kimi tanınır. Ümumdünya Səhiyyə Təşkilatının məlumatına görə, təxminən 340 milyon insan bu xəstəlikdən əziyyət çəkir. 2025-ci ildə astma xəstələrinin ümumi sayının 400 milyona çatacağı düşünülür.
Tənəffüs yollarının müvəqqəti tutmaları və daralması ilə irəliləyən bir xəstəlik olan astmanın ortaya çıxmasının bir çox səbəbi var. Bunları genetik meyllər, mövsümi və ətraf mühit faktorları kimi ümumiləşdirmək olar.
Xüsusilə qış aylarında xəstələrin diqqət etməli olduğu bir ekoloji faktor var. Söhbət soyuq havadan gedir... Çünki isti hava kimi soyuq hava da astma xəstələrinə problem yaradır. Beləliklə, astmanın əlamətləri hansılardır? Soyuq hava xəstələrə niyə mənfi təsir edir?
Marmara Universitetindən Dr. Şehnaz Olgun Yıldızeli ilə danışdıq.
Astma hər zaman simptomlar göstərmir
Həkim astmanın daim simptomlar göstərən bir xəstəlik olmadığına işarə edərək müəyyən faktorlarla hücum etdiyinə diqqət çəkirb. Həkin hücum zamanı xəstəliyin xəstədə hansı əlamətlərə səbəb olduğunu belə izah edib:
“Döş qəfəsində sıxılma, təngnəfəslik, tənəffüs çatışmazlığı hissi, kənardan eşidilən xırıltılar müşahidə oluna bilər. Daha az rast gəlinsə də, öskürək ilə də xarakterizə edilə bilər. Xəstəyə təsir edən hər hansı faktorun təsirinə məruz qaldıqda hücumlar baş verir”.
Astma xəstəliyinə yaş qrupu kimi baxdığımızda gənclər ön plana çıxır. Qadınlarda kişilərə nisbətən daha çox rast gəlinir. Dos. Dr. Yıldızeli astmanı "adətən 20-40 yaş arası gənc qadınların xəstəliyi" olaraq xarakterizə edir.
Xəstəliyin diaqnozu qoyulduqdan sonra müalicənin ilk addımı astmanın nədən qaynaqlandığını müəyyən etməkdir. "Xəstəyə tövsiyə etdiyimiz ilk şey, astmaya səbəb olan məruz qalmadan uzaq durmaqdır", deyiə Dos. Dr. Yıldızeli xəstəliyi tətikləyən faktorları belə izah edib:
“Məsələn, peşə təsirləri xəstəliyə səbəb ola bilər. Aşpazlar, rəssamlar, metal sənayesində çalışanlar, tüstüyə məruz qalan insanlar və ya fermerlər kimi üzvi və ya qeyri-üzvi elementlərə məruz qalan insanlarda astma yarana bilər. Belə bir vəziyyət yarandıqda, mümkünsə, onun sahələrini və ya işlərini dəyişməsini tövsiyə edirik. Bundan əlavə, daha tez-tez toz, ev gənələri, bitkilər və çiçək tozlarına qarşı allergiyası ola bilər. Evdə ev heyvanınız varsa, xəzindən allergiya yarana bilər. "Bunlara məruz qalma səbəbiylə də kəskinləşmə baş verə bilər."
