Yaponiyanın Naqoya Universitetinin alimləri müəyyən ediblər ki, elektrik ilanbalığı müxtəlif genlərin kiçik balıq sürfələrinə ötürülməsinə səbəb olmaq üçün kifayət qədər cərəyan verir.
Aztibb.az “TRT Haber”ə istinadən xəbər verir ki, Naqoya Universitetindən verilən məlumata görə, professor Eiçi Hondonun rəhbərliyi ilə aparılan araşdırmalar, ilan balığının istehsal etdiyi elektrikin genetik materialların canlıların hüceyrələrinə keçməsinə səbəb ola biləcəyini üzə çıxarıb.
Tədqiqat laboratoriyada zebra balığı sürfələri və elektrik ilanbalığı mühitinə DNT daşıyan yaşıl flüoresan zülalı (GFP) əlavə edilərək aparılıb. İlan balığı elektrik cərəyanına məruz qaldıqdan sonra mikroskop altında tədqiq edilən sürfələrin təxminən 5 faizində GFP-müsbət hüceyrələr tapılıb.
Bu yolla laboratoriya mühitində hüceyrə membranının keçiriciliyini artıraraq hüceyrəyə yad DNT-nin daxil olmasını təmin etmək üçün elektrik cərəyanının tətbiqi mənasını verən “elektroporasiya”nın təbiətdə özbaşına baş verdiyi müşahidə edilib.
