Həkimlər bunun COVID-19-un degenerasiya olunduğu yeni supervirus olduğundan qorxurlar. Artıq bir sıra Avropa ölkələrində - Danimarka, Fransa, İsveç və Hollandiya və ABŞ-da yoluxma epidemiyası elan edilib.

Aztibb.az NTV telekanalının məlumatına istinadən xəbər verir ki, xəstələrin simptomları Çin xəstəxanalarından kənarda gecələyən, günlərlə görünməsini gözləyən yüz minlərlə insanın simptomları ilə eynidir.

Məlumata görə, Çində xəstəxanalar dolub, məktəblər karantin üçün bağlanıb.

Son bir həftə ərzində 100 mindən çox xəstəlik halı qeydə alınıb, hər gün 7 min insan xəstəxanalara müraciət edib. Çində xəstəxanada yer tapmaq üçün bir neçə gün gözləmək lazım olur.

Bildirilir ki, Sinqapur, Hindistan və Tayvan da daxil olmaqla Cənubi Asiya ölkələri epidemiyanın yayılmasının qarşısını almaq üçün təhlükəsizlik tədbirlərini gücləndirib.

Bunun mikoplazma infeksiyasının alovlanması olduğuna dair bir fərziyyə var.

Mikoplazma pnevmoniyasından əsasən uşaqlar xəstələnir.

Bu xəstəlik yeni deyil, tədqiq olunub, amma fakt budur ki, köhnə antibiotiklər fəaliyyətini dayandırıb.

Xəstəliyin əlamətləri yüksək hərarət və ağrılı, uzun öskürəklə görülür. İndi vəziyyət atipikdir, onlar əlavə edirlər ki, bir dəfəyə mikoplazma pnevmoniyası ilə bu qədər çox insan olmayıb.

Yetkinlər də xəstələnir, ailəvi yoluxma halları çoxdur, infeksiya adətən uşaqlar tərəfindən, uşaq bağçasından və ya məktəbdən gətirilir. Xəstəlik uzanır, üç aya qədər davam edir, lakin sürətlə inkişaf edir.