Moskva Regional Onkoloji Klinikasına qırx doqquz yaşlı qadın döş qəfəsində ağrı, böyümə və kəskin nəfəs darlığı şikayətləri ilə müraciət edib.

Aztibb.az “Moslenta” nəşrinə istinadən yazır ki, bu barədə Moskva vilayətinin Səhiyyə Nazirliyinin mətbuat xidməti məlumat yayıb.

Qeyd olunub ki, bir sıra müayinələrdən sonra ona süd vəzinin yarpaqşəkilli şişi diaqnozu qoyulub. Xəstə təxminən bir il yarım əvvəl sol döşünün böyüməsini hiss edib, lakin tibb müəssisəsinə müraciət etməyib.

Onkoloq bildirib ki, şiş sol döşün bütün həcmini tutub, çəkisi səkkiz kiloqram, diametri isə otuz santimetrə çatıb. Sol döşün mastektomiyası edilib.

Əməliyyatdan sonra şiş histoloji müayinəyə göndərilib. Xoşbəxtlikdən əməliyyatdan bir həftə sonra qadın özünü yaxşı hiss edib və yaşadığı yer üzrə onkoloqun nəzarəti altında evə buraxılıb.