Pişik sahiblərinin şizofreniya diaqnozu qoyulma ehtimalı ev heyvanı olmayan insanlara nisbətən iki dəfə çoxdur.

Aztibb.az xəbər verir ki, “Schizophrenia Bulletin” jurnalı avstraliyalı alimlərin araşdırmalarının nəticələrinə əsaslanaraq onların aşağıdakı nəticələrini dərc edib.

Avstraliyanın Kvinslend Psixi Sağlamlıq Araşdırma Mərkəzinin alimləri tüklü ev heyvanlarının insanlara təsirini araşdırmaq qərarına gəliblər. Bunun üçün 1980-2023-cü illər arasında dərc edilmiş 1,9 mindən çox material təhlil edilib. Onlardan 106-sı tam mətnli təhlil üçün seçilib və yalnız 17-si tədqiqatın əsasını təşkil edib.

Belə ki, ekspertlər müəyyən ediblər ki, ev heyvanlarının olması 25 yaşından əvvəl şizofreniya xəstəliyinə tutulma riskini artırır. Səbəb insan orqanizminə pişik dişləməsi ilə daxil olan parazitdir. Bu, beynin fəaliyyətinə mənfi təsir göstərir, nəticədə pişik sahibləri şəxsiyyət pozğunluqlarından, koqnitiv funksiyaların pozulmasından, deliriumdan, yaddaşın pozulmasından və s. şikayət etməyə başlayırlar.

“Bizim tapıntılarımız pişiklərə məruz qalma ilə şizofreniya ilə əlaqəli ümumi tanınan pozğunluqların artması riski arasında əlaqəni dəstəkləyir. Bununla belə, nəticələr qarışıqdır. Bu sahədə daha dərin araşdırmalara ehtiyac var”, - deyə alimlər bildirib.