Məlum olub ki, qəhvəyi dəniz yosunu insanlarda qan şəkərini aşağı salmaq qabiliyyətinə malikdir. Bu faktı Cənubi Koreyanın Seul Milli Elm və Texnologiya Universitetinin alimləri sübut ediblər.

Aztibb.az “Medzdrav İnfo”ya istinadən xəbər verir ki, fundamental elmi araşdırma bütün dünyada aparılmış 23 əvvəlki tədqiqatın təhlilinə əsaslanır. Koreyalı mütəxəssislər pəhrizə bu növ yosunların əlavə edilməsinin insan sağlamlığına necə təsir etdiyini dəqiq müəyyən etməyə diqqət yetiriblər.

Təhlil zamanı məlum olub ki, qəhvəyi yosunlar acqarına yeyildikdə qanda insulinin konsentrasiyasına təsir göstərmir. Lakin onlar qlükoza səviyyəsini 16,5% azaldırlar.

Tədqiqat iştirakçıları gündə ən az 1000 milliqram dəniz yosunu istehlak ediblər ki, bu da insulin müqaviməti riskini azaldıb. Alimlər belə elmi nəticəyə gəliblər ki, qəhvəyi yosunların bədəndən artıq qlükozanı çıxarır.